Nga Beqir SINA – New York City

Filmi dokumentar “Bekim Fehmiu”, me skenar të Fahri Musliut dhe regji të Valmir Tertinit, u shfaqë mbremë në teatrin “The Producers Club”’, në New York, nën organizimin e aktorit Diar Xani, Faton Zogejani dhe Arenc Leka.

Dokumentari artistik “Bekim Fehmiu” i zhanrrit të metrazhit të gjatë artistik, kushtuar figurës së aktorit të madh Bekim Fehmiu, të cilin Valmir Tertini, regjisori i këtij filmi/dokumentar, e solli mbrëmë në metropolin e botës në Nju Jork, për komunitetin shqiptar, përkatësishtë në 16 – Vjetorin e Shpalljes së Pavarësisë së Kosovës, erdhi këtu, pas shfaqjeve të tij të sukseshme, që ai kishte vitin e kaluar në Tiranë, dhe në Kosovë, pikërisht në Prizren, aty ku i pushojnë eshtrat e Bekim Fehmiut.

Dhjetra pjesëmarrës ishin në dy shfaqjet e filmit/dokumentar “Bekim Fehmiu”;

Në, ndërkohë, erdhën mbrëmë për të parë filmin dokumentar në “Producers Club”, të Freddy Tolljas, konsulli i Konsullatës së Përgjithshme të Kosovës,Fatmir Zajmi, artistë të komunitetit, biznesmen të suksesshëm, afaristë dhe aktivist të njohur, studentë të universiteve amerikane, gazetar e tjer.

Po ashtu në mesin e artistëve pjesëmarrës në këtë shfaqje ishin edhe disa emra mjaft të njohur të skenës shqiptare në Shqipëri, Kosovë, trevat shqiptare dhe diaspora, Bujar Alimani, Avni Abazi, Arenc Leka, Diar Xani, Herion Mustafaraj, Blerim Gjoci, Faton Macula, Andi Gjoni, Adonis Filipi dhe Shpendi Xani.

Filmi/dokumentar pasqyron historinë e jetës dhe sukseset në fushën kinematografisë së Bekim Fehmiut

Bekim Fehmiu mbeti ndër të vetmit aktor shqiptar i cili arriti të luajë në filma dhe seritë më të njohura botërore, sikurse në serinë “Odiseu”, filmat: Aventurierët”, “Rruga”, “Vitet e nxehta”, “Dezertori”, etj.

Bekim Fehmiu lindi në Sarajevë më 1 qershor 1936, në një familje gjakovare, ndërsa vdiq më 15 qershor 2010 në Beograd, duke bërë vetëvrasje, sipas versionit zyrtar.

Dokumentari prej 66 minutash i xhiruar në gjashtë shtete është me regji nga Valmir Tertini dhe skenar të Fahri Musliut. Kurse, Roza Anagnosti, Faruk Begollli, Bekim Fehmiu(archive footage),Timo Flloko,Eleonora Giorgi,Fadil Hysaj , Miljenko Jergovic, Fadil Kraja,Branislav Lecic, Goran Markovic , Gani Mehmetaj, Piro Milkani,Branka Petric, Enver Petrovci, Milazim Salihu, Milan Vlajcic, janë karakteret e përzgjedhura të regjizorit Valmir Tertini.

Ky dokumentar është xhiruar në gjashtë shtete; Kosovë, Shqipëri, Serbi, Kroaci, Bosnjë dhe Hercegovinë dhe Itali

Tertini, thotë se “filmi dokumentari “Bekim Fehmiu”, është rrëfimi më adekuat i një aktori të keqkuptuar, pra është e vërteta e tij nga faktet pamore, fjalët e tij, shpjegimet e të afërmve e deri te pikëpyetjet e krijuara ndër vite”‘.

Sipas regjisorit Tertinit, ky projekt ka nisur në vitin 2019, ndërsa ka gjetur financim nga Qendra Kombëtare e Kinematografisë në Shqipëri, dhe pas Tiranës, Prizrenit, dhe mbrëmë Nju Jorkut, filmi i tij për Bekim Fehmiun, pritet të shfaqet dhe në Prishtinë, Beograd, Romë e Parisë.

Gjithashtu tha ai dokumentari ka nisë dhe distribuimin nëpër festivale ndërkombëtare

Aktori Diar Xani, na tha se jam i lumtur që kemi arritë t’a sjellim në Nju Jork, metropolin e botës, për komunitetin shqiptar, këtë film/dokumentar të realizuar mjaft profesionalisht nga regjisori i talentuar Valmir Tertini, për jetën dhe veprimtarin e aktorit të madh siç ishte Bekim Fehmiu.

“17 shkurti, tha ai është dita më e rëndësishme për Kosovën tonë të dashur, prandaj ka qenë shumë e rëndësishme edhe për neve organizatorve, kjo datë që ta festojm me një program të till. Ku të gjithë pjesëmarrësit(publiku) u ndan të knaqur lidhur me këtë premier, sepse disa mësuan më shumë për të vërtetat e Bekim Fehmiut, ku disa figura të njohura të kinematografisë emocionalisht i sjellen kujtimet e tyre të kohës së kaluar, kur ata kan pas rastin t’i shikojn filmat e Bekim Fehmiut.”

Aktori kosovar, Diar Xani, shprehet se “përkujtimi për Bekim Fehmiun në këtë form është më e pakta që mund të bëhet, sepse, figura e tij duhet të lartesohet edhe më shumë në forma të ndryshme, pasi që Bekim Fehmiu, ka qenë një nga personalitetet që ka lënë gjurmë të pashlyeshme, në kinematografinë e Europës juglindore, por mbi të gjitha, ai ishte edhe aktori i parë ballkanik, I kohës së “Luftës së Ftohtë” i njohur per kontributin artistik në kinematografine boterore, deri në Hollivud”.