Në foto:Islamic Center of America in Dearborn, Michigan. Editorial credit: Captured Photons / Shutterstock.com

Mbi 47 milionë dollarë në grante federale kanë shkuar për institucione myslimane në Miçigan, sipas një hetimi të kryer nga “Middle East Forum”. Shumë prej këtyre institucioneve janë vënë nën shqyrtim për shkak të fjalimeve të tyre tejet armiqësore, si dhe, kohët e fundit, për shkak të përzierjes së veprimtarisë së fondacioneve bamirëse me atë të avokimit politik.

Shumë qendra islame në Miçigan kanë predikuar prej vitesh retorikë anti-amerikane dhe anti-hebreje, ndërkohë që kanë përfituar në total më shumë se 47 milionë dollarë nga fondet federale. Predikimet dhe fjalimet e regjistruara në video zbulojnë një urrejtje të thellë.

Videot dhe dokumentet federale lidhur me fondet e taksapaguesve janë mbledhur nga organizata “Middle East Forum”, e cila ka ngritur shqetësime rreth “minbereve islamiste” që “predikojnë urrejtje” në Miçigan.

Të enjten, “Just the News” raportoi për disa nga këto qendra islame, përfshirë Qendrën Islame të Detroitit, imamët dhe folësit e ftuar të së cilës e quajtën Amerikën “Shtëpia e Shejtanit” dhe iu lutën Allahut që të marrë “hakmarrjen më të ashpër” ndaj sionistëve.

Abdul El-Sayed, kandidat demokrat për Senatin, e vizitoi xhaminë në fillim të këtij viti; atij iu lejua ta përdorte atë për të mbledhur nënshkrime të nevojshme për t’u kualifikuar në zgjedhjet paraprake të partisë së tij, si dhe mori një mbështetje të fuqishme nga imamët dhe dijetarët islamë të lidhur me këtë qendër.

Dhjetëra politikanë marrin pjesë në aktivitete
Qendra Islame e Detroitit — e cila në faqen e saj të internetit e përshkruan veten si një organizatë bamirëse të kategorisë 501(c)(3) — ishte, me diferencë të madhe, përfituesja më e madhe e fondeve qeveritare të dokumentuara nga “Middle East Forum”, duke marrë 45 milionë dollarë. Pjesa dërrmuese e këtyre fondeve erdhi përmes nën-granteve nga Departamenti i Bujqësisë, si pjesë e programit kombëtar të vakteve shkollore.

“Ne gjetëm 45 milionë dollarë fonde nga taksapaguesit që shkuan për nëntë nga këto institucione që kemi identifikuar,” tha të enjten për “Just the News” Greg Roman, drejtor ekzekutiv i “Middle East Forum”. “Gjithashtu, arritëm të identifikojmë 41 zyrtarë — nga nivelet vendore, të qarqeve, shtetërore, e madje edhe nga qeveria federale — të cilët kanë marrë pjesë në aktivitete komunitare në këto qendra.”

Roman shtoi: “Pra, një ditë ata presin kryetarin e bashkisë së Dearbornit; ndërsa të nesërmen, folësi bën thirrje për vrasjen e hebrenjve. Ky është një kontrast që nuk duhet të ketë vend në demokracinë tonë.”

Qendra Islame e Detroitit nuk iu përgjigj pyetjeve të dërguara nga “Just the News” përmes portalit të saj të kontaktit në internet.

Dhjetëra miliona të akorduara për risistemimin e refugjatëve dhe kostot e vakteve të drekës
Baza e të dhënave e “Middle East Forum” (Forumi i Lindjes së Mesme) përmban 928 deklarata nga 36 xhami dhe organizata islamike në Miçigan, secila e lidhur me një video që mban vulën kohore. Në 16 prej këtyre institucioneve, folësit janë lutur për fitoren e “muxhahidëve” ose kanë bërë thirrje për xhihad.

Sipas llogaritjeve të forumit mbi financimet – të bazuara kryesisht në regjistrat federalë të fondeve të akorduara në USAspending.gov – 12 nga këto institucione kanë përfituar 47,4 milionë dollarë nga fondet publike. Departamenti i Bujqësisë ka kontribuar me 43,7 milionë dollarë, Departamenti i Sigurisë Kombëtare me 2,4 milionë dollarë, ndërsa Departamenti i Shëndetësisë dhe Shërbimeve Njerëzore me 1 milion dollarë.

Fondet për vaktet e drekës në shkolla nuk përbëjnë një grant të drejtpërdrejtë federal; Departamenti i Bujqësisë rimburson shtetet për vaktet që përmbushin kriteret, ndërsa Departamenti i Arsimit i Miçiganit i transferon këto fonde te institucionet pjesëmarrëse në formën e nën-granteve. Pagesa më e madhe e vetme, në vlerën 31 milionë dollarë, i është dhënë Qendrës Islamike të Detroitit dhe është raportuar në vitin 2022.

Qendra e Detroitit ka përfituar gjithashtu dy nën-grante, secili prej 500,000 dollarësh, nga Departamenti i Shëndetësisë dhe Shërbimeve Njerëzore (HHS) për risistemimin e refugjatëve në vitet 2025 dhe 2026 – përmes Departamentit të Punës dhe Mundësive Ekonomike të Miçiganit – si dhe rreth 239,000 dollarë nga Programi i Granteve për Sigurinë e Organizatave Jo-fitimprurëse (i administruar nga Departamenti i Sigurisë Kombëtare), i cili financon mbrojtjen e objekteve të kultit nga sulmet.

“Vritini ata një nga një, pa lënë asnjë prej tyre”
Gjatë një predikimi të së premtes në maj të vitit 2025, ku mori pjesë Dr. Muhannad Hakeem, lutja përmbyllëse – e publikuar në kanalin YouTube të qendrës – u drejtua kundër kryeministrit të Izraelit dhe popullit të tij.

“O Allah, merr hak ndaj Netanyahut, ushtarëve të tij dhe ndjekësve të tij, sepse ata nuk mund të të shpëtojnë Ty. O Allah, numëroji ata një nga një dhe vritini individualisht, pa lënë asnjë prej tyre,” thuhej në lutje, sipas videos dhe përkthimit të tekstit arabisht të ofruar nga forumi.

Një predikim në janar të vitit 2025 përfundoi me një thirrje drejtuar Zotit për t’i “shkatërruar plotësisht sionistët”; ndërsa në të njëjtin muaj, Dr. Zulfiqar Shah, një dijetar islamik, u tha besimtarëve se, si myslimanë në Shtetet e Bashkuara, ata jetojnë në “Shtëpinë e Shejtanit” (Shtëpinë e Satanait).

“Pra, vëllezër dhe motra të nderuar, ju kërkoj – si myslimanë që jetoni këtu në Amerikë, në shtëpinë e Shejtanit […]” – tha Dr. Shah, përpara se t’i nxiste ata që “të rimarrin narrativën” dhe të tregojnë se si Deklarata e Pavarësisë dhe Kushtetuta e SHBA-së, në thelb, bazohen në traditën islame.

Megjithatë, zyrtarë publikë e kanë nderuar këtë qendër. Zëvendësguvernatori i Miçiganit, Garlin Gilchrist, prezantoi një vlerësim me rastin e 25-vjetorit dhjetorin e kaluar; në të njëjtin muaj, kryetarja e Komisionit të Qarkut Wayne, Alisha Bell, mbështeti një rezolutë që njihte këtë arritje.

Retorikë e ngjashme në qendra të tjera që kanë përfituar fonde nga taksapaguesit
“Islamic House of Wisdom” (Shtëpia Islame e Urtësisë) në Dearborn Heights përfitoi një grant federal prej 331,155 dollarësh për ndihmë në raste fatkeqësish në vitin 2024. Në një aktivitet të mbajtur në korrik 2024, një folës doli në mbrojtje të Hezbollahut libanez – një grup i shpallur terrorist dhe përfaqësues i Iranit. “Hezbollahu në fakt nuk është i keq. Hezbollahu është diçka shumë e mirë,” u shpreh folësi. Ky grup është gjithashtu një organizatë e regjistruar sipas statusit 501(c)(3) dhe është vlerësuar me vetëm 2 nga 5 yje nga “Charity Navigator”.

Në “Islamic Center of East Lansing” (Qendra Islame e East Lansing) – e cila përfitoi një grant për internetin nga Komisioni Federal i Komunikimeve (FCC) në vlerën 46,899 dollarë, si në vitin 2023 ashtu edhe në vitin 2024 – një drejtues u lut gjatë një shërbese të Ramazanit në mars 2025: “O Allah, ndëshkoji hebrenjtë agresorë. O Allah, numëroji ata dhe vriti të shpërndarë; mos lër asnjërin prej tyre.” Kjo organizatë është gjithashtu e regjistruar sipas statusit 501(c)(3), por nuk ka marrë asnjë vlerësim nga organizatat që monitorojnë bamirësitë.

Videoja është bërë tashmë private, por forumi ka ruajtur një kopje të saj.

“Islamic Organization of North America” ​​(Organizata Islame e Amerikës së Veriut) në Warren përfitoi 450,000 dollarë në vitin 2023 përmes granteve të sigurisë për organizatat jofitimprurëse, të akorduara nga Departamenti i Sigurisë Kombëtare. Në një ligjëratë të publikuar në kanalin e saj në vitin 2013, parashikohej “asgjësimi përfundimtar i hebrenjve në duart e Hazret Mesihut, Hazret Mehdiut dhe myslimanëve; shfarosja përfundimtare. Ata do të shfarosen.” Edhe kjo organizatë është e regjistruar sipas statusit 501(c)(3), por nuk është vlerësuar nga organizatat që monitorojnë bamirësitë.

“Islamic Association of Greater Detroit” (Shoqata Islame e Detroitit të Madh) në Rochester Hills gjithashtu përfitoi 450,000 dollarë në formë grantesh sigurie për organizatat jofitimprurëse. Në një ligjëratë në gjuhën urdu, një folës deklaroi se personat e martuar që kryejnë adulter, si dhe kushdo që…

“braktis fenë” përballet me vdekjen, sipas përkthimit të forumit. Gilchrist dhe kryetari i atëhershëm i Detroitit, Mike Duggan, morën pjesë në ceremoninë e prerjes së shiritit në vitin 2024 për xhaminë e saj të zgjeruar. Kjo xhami/qendër komunitare është gjithashtu një entitet i përjashtuar nga taksat; ajo figuron në listën e “Charity Navigator”, por nuk është vlerësuar prej tij.

By Steven Richards