WASHINGTON D.C: Më 23 janar, Presidenti Obama njoftoi synimin e tij për të emëruar Tracey Ann Jacobson të jetë ambasadore e ardhshëm në Republikën e Kosovës,

Lajmi është bërë i ditur përmes një komunikate për shtyp të publikuar në faqen e internetit të Shtëpisë së Bardhë.

Emërimi i Jacobson vjen në kuadër të emërimeve të reja që administrata Obama ka vendosur të bëjë në përfaqësitë diplomatike në disa shtete të botës.

Tracey Ann Jacobson është një diplomate karriere dhe aktualisht është e angazhuar në postin e numrit dy të Institutit për Shërbimin e Jashtëm.

Më parë ajo ka qenë ambasadore e Shteteve të Bashkuara në Taxhikistan dhe Turkmenistan, ndërsa në Kosovë do të zëvendësojë ambasadorin Christopher Dell.

Nëse konfirmohet, nga Senati ky do të ishte emërimi i tretë si Ambasadore fuqiplotë e diplomates Jacobson  në rangun e ambasadorëve. Ajo do të jetë shefja e tretë i misionit që është diplomate grua e caktuar në Ambasadën Amerikane në Prishtinë. Ajo do të pasojë diplomatin e karrieres, Christopher Dell i cili ishte emëruar për këtë post në maj 2009

Tracey Ann Jacobson është një diplomate amerikane dhe një ish-ambasadore e Shteteve të Bashkuara për të dy republika ish sovjetike, Turkmenistani dhe Taxhikistani.Jacobson ka marr një diplomë Bachelor of Arts nga Universiteti i Johns Hopkins , dhe një Master of Arts po nga Johns Hopkins University, Shkolla  Paul H. Nitze  e Studimeve të Avancuara Ndërkombëtare.

Jacobson ka shërbyer gjithashtu edhe si Zëvendës Sekretare në Këshillin Ekzekutivë të Sigurimit Kombëtar në Shtëpinë e Bardhë, ku ajo mbuluar zhvillimin e iniciativave të politikës së jashtme si Këshilltare për Siguri Kombëtare e Presidentit.

Jacobson, aktualisht është një anëtare e stafit diplomatik i Shërbimit të Jashtëm Amerikan, një diplomate karriere që ka shërbyer në diplomacinë e jashtëme Amerikane,  në Seul, Koreja e Jugut, Nassau, Bahamas, dhe në Moskë, Rusi. Detyrat e saj në diplomacinë Amerikane kanë përfshirë shërbimin në Zyrat e Inteligjencës dhe Kërkimeve, Zyra e Çështjeve për Hemisferën Perëndimore, dhe Zyra e Nën/Sekretarit për Menaxhimin.

Ajo ka shërbyer si Zëvendës Shefe i Misionit në Ambasadën e SHBA në Riga, Letoni, si ambasadore amerikane në Turkmenistan (gusht 2003-korrik 2006), dhe si ambasadore Shteteve të Bashkuara në Taxhikistan nga gushti 2006 deri 2009, kur dhënë dorëheqjen nga ky pozicion në gusht 2009  – zëvendësuar nga Kenneth E. Gross, Jr në 12 gusht 2009./BEQIR SINA/