Dy ndeshjet e sotme të Kategorisë Superiore kanë parë në fushë ekipet kryesuese të kampionatit të cilat nuk kanë gabuar, duke marrë fitore thuajse në mënyrë identike për të ruajtur pozitat që mbajnë.

Një penallti ka vendosur fitoren 1-0 si për Egnatian ndaj Skënderbeut, ashtu edhe të Partizanit ndaj Teutës, duke bërë që dy skuadrat të përforcojnë më shumë pozitat në dyshen e parë, të rëndësishme në fund të kampionatit për skemën se si do të organizohet “Final 4”.

Ndërkohë, Skënderbeu është ende jashtë zonës së ftohtë, jo si Teuta e cila zhytet edhe më shumë në fundin e klasifikimit dhe sheh t’i vështirësohet gjithnjë e më shumë mbijetesa në elitë.

JAVA 19

E premte, 12.01.2024
Dinamo-Tirana 2-3

E shtunë, 13.01.2024
Egnatia-Skënderbeu 1-0
Partizani-Teuta 1-0

E diel, 14.01.2024
Laçi-Erzeni, ora 13:30
Vllaznia-Kukësi ora 17:00